Ասոցիացիայի այս բաղադրիչը կարևոր դեր է խաղում ոչխարի ցեղերի գենետիկական բարելավման, նաև շուկայավարման գործում։ Ստորև ներկայացված են գործողությունները այս բաղադրիչի շրջանակում․
Ստեղծել, մշակել և իրականացնել բուծման ծրագիր, որն ընդգծում է բարձրակարգ բուծման նյութերի օգտագործումը՝ ներառյալ արհեստական սերմնավորումը, տոհմային բարձրարժեք ոչխարներ ստանալու նպատակով:
Կիրառել ուսումնասիրության մոլեկուլային մեթոդներ, ինչպիսիք են ԴՆԹ-ի անալիզը և այլն։
Պահպանել ճշգրիտ և արդիական գրանցումներ բոլոր տոհմային ոչխարների վերաբերյալ։
Ուսումնասիրել ներկրված ոչխարների նոր ցեղերը՝ ըստ տեղական պայմաններին հարմարվածության:
Ստեղծել և պահպանել լավագույն խոյերի տվյալների բազա համապատասխան սերմնահեղուկի պաշարով և իրականացնել ճշգրիտ գրանցումներ յուրաքանչյուր նմուշի համար:
Վաճառել սառեցված սերմնահեղուկը այլ բուծողներին ինչպես տեղական, այնպես էլ միջազգային մակարդակում՝ ընդգծելով սերմնահեղուկի որակը և գենետիկական գերազանցությունը:
Տրամադրել աջակցություն, խորհրդատվություն և ուսուցում այն ոչխարաբույծներին, որոնք գնում են սերմնահեղուկ։
